أيوة
سوق الدعارة!! الي كلنا شايفينه و عايشينه و مش منتبهين... دعوني اروي حكايتنا
التي نعيشها كلنا ... حيث أن الداعر هو (القروض من البنوك و ال NGOs ) و اما المدعور
فهو أنا و أنت و الشعب الفلسطيني!!
في
عام 2000 بدأت انتفاضة الأقصى التي لم تنتهي بعد.... و قامت اسرائيل منذ ذلك الوقت
حتى عام 2004 بدك و تدمير البنية التحتية للسلطة الوطنية الفلسطينية و في تلك
الحرب ايضا حاولت اسرائيل قتل كل أمل موجود عند هذا الشعب و في الاخر بقي الشعب
الفلسطيني المجاهد كما هو و اسرائيل ما
كانت عارفة شو تعمل!!
قعد
الاسرائيليون يفكرو في كيفية القضاء على الروح الفلسطينية الثورية فهم يعلمون جيدا
أن الفلسطيني يولد ثوري بالفطرة الى ان و
صلو للحل... و هو فتح أسواق الدعارة بين سكان الضفة الغربية و القدس و أما غزة...
فكان الحل هو قطعها عن فلسطين التاريخية و الصلاة يوميا لكي يبتلعها البحر!!
الهدف
الاسرائيلي الذي للأسف تحقق... أن يصبح
حلم كل فلسطيني هو واحد من اثنين ..
الأول
"بدي أخلص جامعة و اشتغل في شركة منيحة و أنزل سيارة عل بنك و شقة عل بنك و
أتزوج و أخلف أحط ولادي في أحسن مدارس و هيك خلص الواحد برتاح و بكون عمل اللي
عليه"
الثاني:
" أنا بدي أخلص جامعة و أطلع أعيش برة مهو( ك*) أختها من بلد"
أنا بسمي هادي الأحلام لو كانت لوحدها هي ما
يطمع الفلسطيني في تحقيقه فهو للأسف لم يفرق شيئا عن الحيوان... أين فلسطين من تفكيركم؟؟؟
أنا
اللي بفهمو انو انتا فلسطيني و حلمك و أملك هو العمل على تحرير فلسطين و النهوض
بهذا الوطن و من ثم احلم زي ما بدك... اذا فلسطين ما بتكون أولوية عندك فأنت مدعور
فيك يا باشا!!
يا
اخوان الموضوع اكبر مما تتخيلو... اول خطوة كانت ال NGOs اللي عن طريقها حولو جزء صغير من الشعب الى ناس
معاها مصاري و عمل فراغ ما بينهم و بين باقي الشعب... و بعدين هدول كانو جزء من
البلون الكبير اللي نفخونا في... لمعلوماتكم ال NGOs فيها موظفين أجانب و فلسطينية ... المهندس
الفلسطيني ممكن باخذ 2000$ و الأجنبي بياخذ 20,000$ !!! و طبعا لو انرصد لمشروع
معين مبلغ من المال من دولة كوكو مثلا... فبتكون شروط تنفيذ المشروع هي ان
المهندسين الكوكويين ياخدو أكثر من 80% من ميزانية الرواتب و ان جميع المعدات
تشترا من الاسواق الكوكوية و هيك هم بكونو رجعو مالهم الهم و شغلو كمان مصانعهم و
حملو كل الدنيا جميلة!!!
تاني
خطوة و هي الأخطر... القروض من البنوك... أول اشي بدي اصدمك في شوية معلومات.. 75%
من سيارات الضفة الغربية هي للبنوك و ليس لراكبيها... 45% من عقارات البلد
كذلك... خليني اشرحلك كيف الاسرائيليين
قاعدين بمارسو فينا الدعارة!!... زمان قبل
2004 كان الناس الوحيدة اللي عندها اشي تخاف عليه لو قامت الحرب هم من يعيشون من
معاشات السلطة... أما بعد موضوغ القروض فأصبح هَم
75%من ملاك السيارات و 40% من من يمتلكون عقارات –يعني 99% من الشعب
الفلسطيني- هَمهم الأول هو وصول الراتب عشان يسددو أقساط السيارة و الشقة و الأثات
و اللابتوب للبنك!!
و
الجمل القادمة هي نتائج هذا السوق و احنا بنسمعها كل يوم...
1-انشاءالله
بصير سلام يا أخي خلي الواحد يشوف مصالحه
2-
ازا بتخرب الدنيا مناكل خر* لانو عنا التزامات اخر الشهر
3-اوعا
تعمل اشي ضد اليهود... البلاد ضاعت جاي انتا تحكي
ولكم
يا بشر زمان كانو المستوطنين بموتو خوف انهم يمشو في الشوارع الالتفافية تبعتهم...
هلا احنا صرنا نخاف نمشي في شوارعنا اللي هم بمشو عليها!!!
هل
نحن نتحول من شعب ثوري بالفطرة الى شعب خول؟؟ََ!!
ارجو
اننا نوعي انفسنا و اصحابنا انو دائما السؤال ماذا قدمت لبلدك و ليس ماذا قدمت
بلدك الك...و انو احنا عايشين في بالوون كبييييير و عارفين هذا الكلام بس احنا
بنكذب على حالنا عشان نفكر حالنا انا عايشين زي باقي الدول ما عايشة.... احنا
فلسطينية و طول عمرنا عايشين فلسطينية و رح انضل فلسطينية نعلم الشعوب الحرية .
